மோசடி அழைப்பு குறித்து எச்சரிக்கை

3 Nov 2017 06:00 | மாற்றம் செய்யப்பட்ட நாள் / நேரம்: 4 Nov 2017 08:52

குடிநுழைவு, சோதனைச் சாவடி ஆணையத்தின் விமான நிலைய தளவாடப் பூங்கா அலுவலகத்தின் 6542 8976 என்ற எண்ணிலிருந்து மோசடி அழைப்புகள் வந்ததாக பொது மக்களில் சிலர் தெரிவித்து உள்ளனர். வழக்கு அல்லது விசாரணையில் அவர்கள் சம்பந்தப்பட்டுள்ளதாகக் கூறி, அதன் தொடர்பில் பணம் அனுப்பவேண்டும் என்று அந்த அடையாளம் தெரியாத தொலைபேசி அழைப்பாளர் கேட்டதாகக் கூறப்பட்டது. தனது அதிகாரிகள் அப்படி எந்த அழைப்பையும் மேற்கொள்ளமாட்டார்கள் என்றும் அப்படி யாரேனும் அழைத்தால் தனிப்பட்ட தகவல்களை அளிக்கவோ அல்லது பணப் பரிமாற்றம் செய்யவோ வேண்டாம் என்று குடிநுழைவு, சோதனைச் சாவடி ஆணையம் அறிவுறுத்தியுள்ளது. அத்தகைய அழைப்புகள் ஏதேனும் வந்தால் அது பற்றி 1800-255 0000 என்ற போலிசின் நேரடி அழைப்பு எண்ணுக்கோ அல்லது www. police.gov.sg/iwitness என்ற இணையப்பக்கம் மூலமோ தகவல் தருமாறும் அவசர உதவி தேவைப்பட்டால் '999' என்ற எண்ணில் போலிசை அழைக்குமாறும் பொதுமக்கள் அறிவுறுத்தப்படுகின்றனர்.