பெட்டாலிங் ஜெயா: மலேசியாவின் நாடாளுமன்ற நாயகருக்கான பட்டியலில் தேர்தல் ஆணையர் அசார் அஜீசான் ஹாருண் இடம்பெற்றுள்ளார். தற்போதைய நாடாளுமன்ற நாயகரான முகமட் அரிஃப் முகமட் யூசுப்பின் இடத்திற்கு நாடாளுமன்ற உறுப்பினர்கள் அல்லாதபலர் பரிசீலிக்கப்படுகிறார்கள்.
முன்னாள் நாடாளுமன்ற நாயகர் பாண்டிகர் அமீன் முலியா மற்றும் முன்னாள் நீதிபதி ஆகியோரும் இந்த பதவிக்கு பரிசீலிக்கப்படுவதாகக் கூறப்படு
கிறது.
வரும் ஜூலை 13ஆம் தேதி நாடாளுமன்றம் தொடங்கியதும் தற்போதைய தேசிய கூட்டணி நிர்வாகம் மன்ற நாயகர் முகமட் அரிஃப் முகமட் யூசுப் மற்றும் துணை சபாநாயகர் எங் கோர் மிங் ஆகியோரை நீக்குவதற்கான முயற்சிகளை மேற்கொள்ளும் என்று கூறப்படுகிறது.
அவர்களை நீக்குவதற்கான தீர்மானங்கள் வெள்ளிக்கிழமை சமர்ப்பிக்கப்பட்டன.