ஜாலான் புசார் குழுத்தொகுதியில் மனிதவள அமைச்சர் ஜோசஃபின் டியோ தலைமையிலான மசெக அணியை எதிர்த்து லிம் தியன் தலைமையிலான மக்கள் குரல் கட்சியின் அணி போட்டியிடுகிறது.
திரு ஹெங் சீ ஹாவ், 58, திருவாட்டி டெனிஸ் புவா, 59, புதுமுகம் வான் ரிசால் வான் ஸக்காரியா, 42, ஆகியோர் மசெக அணியில் இடம்பெற்றுள்ள வேட்பாளர்கள்.
லியோங் ஸி ஹியான், 66, நூர் அஸ்லான் பின் சுலைமான், 49, மைக்கல் ஃபாங் அமின், 43, ஆகிய இதர மூவரும் எதிர்க்கட்சி அணியில் இருக்கிறார்கள்.
இவர்கள் நேற்று வேட்பு மனுக்களைத் தாக்கல் செய்தார்கள். வேட்பு மனுத் தாக்கல் செய்த பிறகு செய்தியாளர்களிடம் பேச மசெக குழு மறுத்துவிட்டது.