$100 பெறுமானமுள்ள சமூக மேம்பாட்டு மன்ற (சிடிசி) பற்றுச்சீட்டுகள் வழங்கப்பட்டு ஒரு மாதத்துக்குள் ஒரு மில்லியனுக்கும் மேற்பட்ட சிங்கப்பூர் குடும்பங்கள் அவற்றைப் பெற்றுக்கொண்டன.
இதுவரை ஏறத்தாழ $28 மில்லியன் பெறுமானமுள்ள பற்றுச்
சீட்டுகள் பயன்படுத்தப்பட்டுள்ளன.
அன்றாடச் செலவுகளைக் குறைக்கவும் கொவிட்-19 நெருக்கடிநிலையால் பாதிக்கப்பட்டுள்ள குடியிருப்புப் பேட்டைக் கடைக்
காரர்கள், உணவங்காடி நிலையக் கடைக்காரர்கள் ஆகியோருக்கு ஆதரவு வழங்கவும் இந்த $130 மில்லியன் திட்டம் கடந்த ஆண்டு டிசம்பர் மாதம் 13ஆம் தேதியன்று அறிமுகப்படுத்தப்பட்டது.
எந்தெந்த கடைகள் பற்றுச்சீட்டு களை ஏற்கின்றன என்பதை தெரிந்துகொள்வதை எளிதாக்க சிடிசி பற்றுச்சீட்டு Merchants Go Where இணையப்பக்கத்தில் இரு
வழித் தொடர்பு வரைபடம் அமைக்கப்பட்டுள்ளது. இதுகுறித்து நேற்று அறிவிக்கப்பட்டது.
தற்போதுள்ள தேடுதல் அம்சம் அஞ்சல் குறியீடு, சாலையின் பெயர் ஆகியவற்றை மையமாகக் கொண்டவை.
இத்திட்டத்தில் 12,500க்கும் மேற்பட்ட குடியிருப்புப் பேட்டை வர்த்தகர்களும் உணவங்காடி நிலையக் கடைக்காரர்களும் பங்கெடுக்கின்றனர். இவர்களில் 90 விழுக்காட்டுக்கும் மேற்பட்டோர் குறைந்தது ஒருமுறையாவது சிடிசி பற்றுச்சீட்டைப் பயன்படுத்தி பரிவர்த்தனை செய்துள்ளதாக கலாசார, சமூக, இளையர்துறை மற்றும் வர்த்தக, தொழில் துணை அமைச்சர் லோ யென் லிங் தெரிவித்துள்ளார்.
"இதுவரை $28 மில்லியனுக்கும் அதிகமான சிடிசி பற்றுச்சீட்டைப் பயன்படுத்தி குடியிருப்புப் பேட்டை உணவங்காடி நிலையக் கடைக்காரர்களுக்கும் வர்த்தகர்களுக்கும் சிங்கப்பூரர்கள் ஆதரவு தெரிவித்துள்ளனர் என்று தெரிய வரும்போது மிகவும் மகிழ்ச்சியாக உள்ளது," என்று திருவாட்டி லோ கூறினார். சிடிசி பற்றுச்சீட்டுத் திட்டம் 2020ஆம் ஆண்டு ஜூன் மாதம் அறிமுகப்படுத்தப்பட்டது.
400,000 குறைந்த வருமானக் குடும்பங்களுக்கு உதவ இந்தத்
திட்டம் தொடங்கப்பட்டது.
தற்போது வழங்கப்பட்டுள்ள சிடிசி பற்றுச்சீட்டுகளை இவ்வாண்டு டிசம்பர் மாதம் 31ஆம் தேதி வரை பயன்படுத்தலாம்.
1.3 சிங்கப்பூர் குடும்பங்களுக்கு இந்தப் பற்றுச்சீட்டுகள் வழங்கப்பட்டுள்ளன.
பற்றுச்சீட்டுகளைப் பெறும் குடும்பத்தைச் சேர்ந்த ஓர் உறுப்பி னர் இணையம் மூலம் தங்கள் சிங்பாஸ் கணக்கைப் பயன்படுத்தி கைபேசியில் இணைப்பு ஒன்றைப் பெற்றுக்கொள்ளலாம்.
இந்த இணைப்பை குடும்ப உறுப்பினர்களுடன் தகவல் பரிமாறும் செயலிகள் மூலம் பகிர்ந்துகொள்ளலாம். $2, $5, $10 ஆகிய பிரிவுகளில் பற்றுச்சீட்டுகள் உள்ளன.
இணைப்பைக் கிளிக் செய்து, பயன்படுத்த விரும்பும் தொகையைத் தேர்ந்தெடுத்து வர்த்தகரிடம் கியூஆர் குறியீட்டைக் காட்ட வேண்டும். வர்த்தகர் RedeemSG Merchant செயலியைப் பயன்
படுத்தி கியூஆர் குறியீட்டை ஸ்கேன் செய்வார்.