கடைசி நேர மாற்றத்தின்போது தான் முன்னர் விளையாடிய செல்சி குழுவுக்கே வந்து சேர்ந்தார் டாவிட் லுவிஸ். கடந்த பருவத்தில் பிஎஸ்ஜி குழுவிற்காக விளையாடி வந்த பிரேசில் தற்காப்பு விளையாட்டாளர் டாவிட் லுவிஸ் மூன்று ஆண்டு ஒப்பந்தத்தின் அடிப்படையில் செல்சி குழுவிற்குச் சென்று உள்ளார். 29 வயது லுவிசை 34 மில்லியன் பவுண்டுகளுக்கு வாங்கி யுள்ளது செல்சி.
கடந்த 2011ஆம் ஆண்டு பென்ஃபிகா குழுவில் இருந்த அவரை 21.3 மில்லியன் பவுண்டுகளுக்கு வாங்கியது செல்சி. அதுமுதல் சுமார் 143 ஆட்டங்களில் செல்சி குழுவிற்காக விளையாடிய அவர் 2014ஆம் ஆண்டு 40 மில்லியன் பவுண்டுகளுக்கு பிஎஸ்ஜி குழுவிற்குச் சென்றார்.
தனது நாட்டிற்காக 56 ஆட்டங்களில் விளையாடிய அவர், சாம்பியன்ஸ் லீக் கிண்ணம் வென்றார். 2012ஆம் ஆண்டு செல்சி குழுவிற்காக விளையாடிய 2012ல் எஃப்ஏ கிண்ணத்தையும் ஓர் ஆண்டிற்குப் பிறகு யூரோப்பா லீக் கிண்ணத்தையும் வென்றார். இதற்கிடையே, 25 வயது அலோன்சோ மூன்றாவது முறையாக பிரிமியர் லீக் குழுவிற்கு வந்துள்ளார். ஏற்கெனவே போல்டன், ஃபியோரென்டினா குழுக்களுக்காக விளையாடிய அவரை இந்த முறை 23 மில்லியன் பவுண்டுகளுக்கு வாங்கி உள்ளது செல்சி.