நீதிமன்றத்தை அணுகிய டோனி

புதுடெல்லி: ஒப்பந்த காலம் முடிந்த பின்னரும் விளம்பரத் தூதராக தனது பெயரைப் பயன் படுத்தியதாகக் கூறி 'மேக்ஸ் மொபிலிங்க் பிரைவேட் லிமிட் டெட்' நிறுவனத்தின் மீது இந்திய கிரிக்கெட் அணியின் முன்னாள் தலைவர் மகேந்திர சிங் டோனி டெல்லி உயர் நீதி மன்றத்தில் வழக்குத் தொடுத்து இருக்கிறார். நீதிமன்ற உத்தரவுகளையும் மீறி அந்நிறுவனம் செயல்பட்டதாக டோனி தமது புகாரில் குறிப் பிட்டுள்ளார். "உத்தரவுக்கு இணங்கி நடக்காதது ஏன்? 2016 ஏப்ரல் 21ஆம் தேதி நீதிமன்றம் பிறப் பித்த உத்தரவை இரு தரப்பி னரும் மதித்து நடக்கவேண்டும்," என்று அறிவுறுத்திய நீதிபதி மன்மோகன், வழக்கு விசாரணையை ஜூலை 28ஆம் தேதிக்குத் தள்ளிவைத்தார்.

'மேக்ஸ் மொபிலிங்க்' நிறுவனத்தின் தயாரிப்புகளில் டோனியின் பெயர் இடம்பெறக்கூடாது என 2014 நவம்பர் 17ஆம் தேதியே நீதிமன்றம் அறிவுறுத்தியிருந்தது. அந்த உத்தரவை அந்நிறுவனம் மீறியதாக டோனி குற்றம் சாட்டி இருக்கிறார். அத்துடன், தனது பெயர், படம் அச்சிடப்பட்ட கைபேசிகள் உள்ளிட்ட அந்நிறுவனத்தின் எல்லாத் தயாரிப்புகளையும் பறி முதல் செய்யவேண்டும் என்றும் டோனி கோரியுள்ளார்.