பெல்கிரேட்: ஒலிம்பிக் விளையாட்டுகளில் தனது தாய்நாடான செர்பியாவிற்குத் தங்கம் வெல்லும் வாய்ப்பைக் கருத்தில்கொள்ளும்போது, விளையாட்டரங்கில் பார்வையாளர்கள் இல்லாதது பெரிய குறை அல்ல என்கிறார் டென்னிஸ் நட்சத்திரம் நோவாக் ஜோக்வோவிச். ஆண்கள் டென்னிஸ் உலகத் தரவரிசையில் முதலிடத்தை வகிக்கும் ஜோக்கோவிச், இம்மாதம் விம்பிள்டன் பொதுவிருதைக் கைப்பற்றினார்.
அதன் பிறகு கொவிட்-19 கிருமிப் பரவல் சூழலின் காரணமாக ஒலிம்பிக் விளையாட்டுகளிலிருந்து விலகிக்கொள்வதைப் பற்றி யோசித்தார் ஜோக்கோவிச். எனினும், தனது நாட்டைப் பிரதிநிதிப்பதில் உள்ள பெருமையை எண்ணிப் பங்கேற்க முடிவெடுத்தார்.
விம்பிள்டன் பொதுவிருதை 20தாவது முறையாக வென்ற ஜோக்கோவிச், இதுவரை ஒலிம்பிக் விளையாட்டுகளில் மட்டும்தான் வெற்றி காணவில்லை.
ஒலிம்பிக் தங்கத்தையும் இந்த ஆண்டு நடைபெறவுள்ள அமெரிக்க பொதுவிருதையும் வென்றுவிட்டால், ஓராண்டில் நான்கு ஆக முக்கியமான டென்னிஸ் விருதுகளை வென்ற முதல் ஆணாக விளங்குவார் ஜோக்கோவிச்.