‘கொடுமையான இரவுகளில் ஒன்று’

13 May 2023 05:30

தென்கிழக்காசிய விளையாட்டுப் போட்டிகளில் சிங்கப்பூரின் இளம் காற்பந்துக் குழு 0-7 என்ற கோல் கணக்கில் மலேசியாவிடம் படுமோசமாகத் தோற்றதை ‘சிங்கப்பூர்க் காற்பந்து வரலாற்றில் கொடுமையான இரவுகளில் ஒன்று’ என்று குறிப்பிட்டு உள்ளார் சிங்கப்பூர்க் காற்பந்துச் சங்கத்தின் தற்காலிகத் தலைவர் பெர்னார்ட் டான். அடுத்த இரு வாரங்களுக்குக் குழுவை நோக்கி கேள்விக்கணைகள் தொடுக்கப்படலாம் என்றும் அவர் குறிப்பிட்டுள்ளார். குழுவின் செயல்பாட்டால் ஆத்திரமடைந்த ரசிகர்கள், சமூக ஊடகங்கள் வழியாக சிங்கப்பூர்க் குழுவையும் காற்பந்துச் சங்கத்தையும் கடுமையாக வசைபாடினர்.