You are here

தலைப்புச் செய்தி

சிங்கப்பூருக்கு நன்றி தெரிவித்த அதிபர் மூன்

அமெரிக்கா, வடகொரியாவின் வரலாற்றுச் சிறப்புமிக்க உச்ச நிலைச் சந்திப்பு கடந்த மாதம் சிங்கப்பூரில் நடந்தேறியதில் கொரிய தீபகற்பத்தின் அமைதிக்கு ஒரு புது சகாப்தத்தை உருவாக்க உதவிய சிங்கப்பூரர்களுக்குத் தம் நன்றியைத் தெரிவித்துக்கொண் டார் தென்கொரிய அதிபர் மூன் ஜே உன். சிங்கப்பூருக்கு ஜூலை 11 முதல் 13 வரை அதிகாரத்துவ பயணம் மேற்கொண்டுள்ள அதிபர் மூன், பிரதமர் திரு லீ சியன் லூங்குடன் செய்தியாளர் கூட்டத் தில் நேற்று பேசினார். வட்டார அமைதிக்கும் நிலைத் தன்மைக்கும் தாமும் பிரதமர் லீயும் ஒத்துழைக்க விரும்புவதாக வும் அவர் கூறினார்.

தாய்லாந்து: நம்பிக்கையுடன் களமிறங்கி சாதித்த மீட்புக் குழு

தாய்லாந்தின் சியாங் ராய் மாநிலத்தில் வெள்ளம் சூழ்ந்த குகையிலிருந்து 13 பேரை அனைத்துலகக் குழு வெற்றி கரமாக மீட்டது. அந்தக் குழு பல முடிவுகளை ஒன் றுக்கு இரண்டு முறை யோசித்து எடுக்கவேண்டி இருந்ததாக மீட்புக் குழு தலைவர் நரோங்சாக் நேற்று கூறினார். எல்லாரும் மீட்கப்பட்டதற்கு அடுத்த நாளான நேற்று செய்தியாளர்களிடம் பேசிய சியாங் ராய் மாநிலத்தின் முன்னாள் ஆளுநரான அவர், “குகைக்குள் குறுகிய வழிகள் ஊடாகவும் சகதியாக இருந்த தண்ணீரைக் கடந்தும் துணிச்சலாகச் சென்று மீட்புப் பணிகளில் ஈடுபட்டனர். அதற்கு முன்னதாக அவர்கள் நம்பிக் கையை இழக்காமல் அந்தச் செயலில் ஈடுபட வேண்டிய சூழல் இருந்தது,” என்று தெரிவித்தார்.

ஜூரோங் லேக் வட்டாரத் தொலைநோக்கு மாறாது

சிங்கப்பூருக்கும் மலேசியாவுக்கும் இடையிலான அதிவேக ரயில் திட் டத்தின் முடிவு என்னவாக இருந் தாலும் ஜூரோங் லேக் வட்டாரத் தின் தொலைநோக்கில் எவ்வித மாற்றமும் ஏற்படாது என்று தேசிய வளர்ச்சி அமைச்சர் லாரன்ஸ் வோங் தெரிவித்தார். சிங்கப்பூரின் இரண்டாவது மத் திய வர்த்தக வட்டாரமாகத் திக ழும் என்று கருதப்பட்ட ஜூரோங் லேக் வட்டாரத்தின் மையப் பகுதி யாக அதிவேக ரயில் முனையம் இருக்கும் என்றும் திரு வோங் சொன்னார். மலேசியப் பிரதமர் மகாதீர் முகம்மது அதிவேக ரயில் திட்டம் கைவிடப்படும் என்று அறிவித்த வுடன் ஜூரோங் லேக் வட்டாரத் தின் மேம்பாடு பாதிக்கப்படலாம் என்று பரவலான கவலை தலை தூக்கியது.

தாய்லாந்து: இதுவரை 8 சிறுவர்கள் மீட்பு

தாய்லாந்து குகையிலிருந்து நேற்று இரவு எட்டாவது சிறுவர் மீட்கப் பட்டார். நேற்றிரவு 9.30 வரை யிலான நிலவரம். எஞ்சிய ஐவரை மீட்கும் பணிகள் தொடருவதாக ராய்ட்டர்ஸ் செய்தி நிறுவனம் தெரிவித்தது. நான்கு சிறுவர்கள் நேற்று முன்தினம் மீட்கப்பட்ட நிலையில் சிங்கப்பூர் நேரப்படி நேற்று மாலை 6 மணியளவில் ஐந்தாவது சிறு வன் மீட்கப்பட்டார். அதனைத் தொடர்ந்து ஒவ்வொருவராக மீட் கப்பட்டனர். இன்னும் நான்கு சிறுவர்களையும் 25 வயது காற் பந்து பயிற்றுநரையும் மீட்கவேண்டி உள்ளது. வெள்ளம் ஒருபுறம், நேர மின்மை மறுபுறம் என பெரும் சவால்களை எதிர்நோக்கும் முக் குளிப்பாளர்கள் துணிச்சலுடன் தாம் லுவாங் குகைக்குள் நுழைந் தனர்.

குகையிலிருந்து சிறுவர்கள் மீட்பு

தாய்லாந்தில் வெள்ளம் புகுந்துவிட்ட குகையில் பல நாட்களாக சிக்கிக்கொண்டு இருக்கும் 13 பேரில் நேற்றிரவு 10 மணி வரை நான்கு சிறுவர்கள் பத்திரமாக மீட் கப்பட்டதாக அறிவிக்கப்பட்டது. குகைக் குள் சென்று இருக்கும் 18 முக்குளிப் பாளர்கள் எஞ்சியோரையும் மீட்க பரபரப் பாக முயன்றுகொண்டிருந்தனர்.

தாய்லாந்து: இடைவிடாத மீட்புப் பணி

வடக்கு தாய்லாந்தில் குகைக்குள் இரு வாரங்களாக சிக்கியுள்ள 12 சிறுவர்களையும் அவர்களின் காற் பந்து பயிற்றுநரையும் மீட்கும் பணிகள் தீவிர மடைந்துள்ளன. அவர்கள் அனைவரும் மாட்டிக் கொண்டு தவிக்கும் குகைக்கு மேல் காட்டில் மலைப் பகுதியைக் கண்டறிந்து குடையும் முயற்சியாக 100க்கு மேற்பட்ட துவாரங்கள் போடப்பட்டு உள்ள தாக மீட்புப் பணி தலைவர் கூறியுள்ளார்.

செங்காங்குக்கு புதிய நகர மேம்பாட்டுக் குழு

செங்காங் நகரை மேம்படுத்துவதற் காகவும் அந்த நகர மக்களின் தேவைகளை நிறைவேற்றுவதற்காக வும் ஒரு புதிய நகர மேம்பாட்டுக் குழு அமைக்கப்பட்டு இருக்கிறது. செங்காங் நகரின் வெவ்வேறான பகுதிகளை மேற்பார்வையிடும் ஐந்து நாடாளுமன்ற உறுப்பினர்கள் சேர்ந்து அந்தக் குழுவை அமைத்து இருக்கிறார்கள். ‘செங்காங் நகர மேம்பாட்டுக் குழு’ என்ற அந்தப் புதிய குழு வுக்குப் போக்குவரத்து, சுகாதார மூத்த துணை அமைச்சர் லாம் பின் மின் தலைமை தாங்குவார். இவர் செங்காங் மேற்கு தனித் தொகுதி நாடாளுமன்ற உறுப்பினர் ஆவார்.

தாய்லாந்து: மேகம் மிரட்டுகிறது; குகையில் சிக்கியோரை மீட்க உச்சக்கட்ட பரபரப்பு முயற்சி

தாய்லாந்தில் குகை ஒன்றில் சிக்கி இருக்கும் 13 பேரை மீட்கும் முயற்சிகளுக்கு மழை பெரும் மிரட்டலாக ஆகிவருகிறது என்று நேற்று தெரிவிக்கப்பட்டது. தாம் லுவாங் என்ற அந்தக் குகை அமைந்துள்ள சியாங் ராய் உள்ளிட்ட நாட்டின் வடக்குப் பகுதியில் ஜூலை 7 முதல் 12 வரை கடும் மழை பெய்யக்கூடும் என்று வானிலை ஆய்வு நிலையம் எச்சரித்து இருக்கிறது. மழை காரணமாக மீட்புப் பணிகள் பாதிக்கப்படும் பட்சத்தில் சிக்கலான வேறு முயற்சிகளைத் தாங்கள் மேற்கொள்ளவேண்டி வரும் என்று நேற்று மீட்புப் பணி யாளர்கள் தெரிவித்தார்கள்.

நஜிப்: என் மீது சுமத்தப்பட்ட களங்கத்தைத் துடைப்பேன்

முன்னாள் மலேசியப் பிரதமர் நஜிப் ரசாக், 64, நீதிமன்றத்தில் தம் மீது சுமத்தப்பட்ட நான்கு குற்றச்சாட்டு களையும் மறுத்துள்ளார். தாம் களங் கமற்றவன் என்பதை நிரூபிக்கப் போவதாகவும் அவர் -கூறியுள்ளார். நேற்று முன்தினம் கைது செய் யப்பட்ட திரு நஜிப் மீது நேற்றுக் காலை கோலாலம்பூர் உயர் நீதி மன்றத்தில் 1எம்டிபி மோசடியுடன் தொடர்புடைய மூன்று நம்பிக்கை மோசடி குற்றச்சாட்டுகளும் அதி காரத்தை சொந்த நலனுக்குப் பயன் படுத்திய ஒரு குற்றச்சாட்டும் சுமத் தப்பட்டன. அவருக்காக வாதாட முஹம்மது ஷஃபீ அப்துல்லா தலைமையில் ஏழு வழக்கறிஞர்கள் நீதிமன்றத்திற்கு வந்திருந்தனர்.

புதிய ரயில்களில் கூடுதல் கதவுகள், மடக்கு இருக்கைகள், தானியக்க சோதனை முறை

தாம்சன்-ஈஸ்ட் கோஸ்ட் ரயில் தடம் அடுத்த ஆண்டில் படிப்படி யாகத் திறக்கப்படும்போது சொகு சான, பாதுகாப்பான பயணத்தை பயணிகள் அனுபவிக்கலாம். நடப் பில் உள்ள எம்ஆர்டி ரயில் பெட் டிகளின் ஒவ்வொரு பக்கமும் நான்கு கதவுகள் உள்ளன. ஆனால், புதிய தடத்தில் பயணத்தைத் தொடங்கும் ரயில் பெட்டிகளில் தலா ஐந்து கதவுகள் இருக்கும். ரயில் பயணிகள் சுலபமாகவும் வேகமாகவும் ஏறி, இறங்க வசதி ஏற்படுத்தித் தரும் பொருட்டு கூடுதல் கதவுகள் பொருத்தப்படுகின்றன.

Pages