You are here

தலைப்புச் செய்தி

பொது இடங்களில் பாதுகாப்புச் சோதனைகள் தீவிரம்

இவ்வாண்டுக்கான கிறிஸ்மஸ் பண்டிகைக் காலத்தில் அனை வரின் பாதுகாப்பையும் உறுதிசெய்ய குடிமைத் தற்காப்புப் படையினர் முயற்சிகளை எடுத்து வருகின் றனர். பொருட்களை வாங்க கடைகளுக்குச் செல்லும் வாடிக் கையாளர்களின் எண்ணிக்கை பெருகிவர, தீச்சம்பவங்கள் தொடர் பான முன்னெச்சரிக்கை நட வடிக்கைகளை குடிமைத் தற் காப்புப் படை துரிதப்படுத்துகிறது. நேற்று முன்தினம் இரண்டு கடைத்தொகுதிகளும் ஐந்து கேளிக்கை விடுதிகளும் சோதனை செய்யப்பட்டதாகக் குடிமைத் தற்காப்புப் படையினர் தெரிவித்தனர்.

பிளாஸ்டிக் பயன்பாட்டை குறைக்க பிரசார இயக்கம்

சிங்கப்பூரில் பிளாஸ்டிக் பயன் பாட்டைக் குறைப்பதற்கான பிரசார இயங்கம் தொடங்கப்பட்டுள்ளது. ‘த ஒன் லெஸ் பிளாஸ்டிக்’ என்னும் அந்த பிரசாரத்திற்காக சிங்கப்பூர் சுற்றுச்சூழல் மன்றம், டிபிஎஸ் வங்கி ஆகியவற்றோடு முக்கியமான நான்கு பேரங்காடிகள் கைகோர்த்துள்ளன. ஃபேர்பிரைஸ், ஷெங் சியோங், பிரைம் குழுமம், டெய்ரி ஃபார்ம் குழுமம் ஆகியன அவை. இவற்றில் பிரைம் குழுமம் மஹோட்டா, பிரைம் பேரங்காடி ஆகியவற்றை நடத்துகிறது. அதேபோல டெய்ரி ஃபார்ம் குழுமம் கோல்ட் ஸ்டோரேஜ், ஜயண்ட் ஆகிய பேரங்காடிகளைத் தன்வசம் வைத்துள்ளது.

தெலுங்கானாவில் 2வது முறையாக ஆட்சியைப் பிடித்தது டிஆர்எஸ் கட்சி

ஹைதராபாத் டிஆர்எஸ் கட்சி அலுவலகத்தில் தங்களது கட்சியின் வெற்றியை ஆடிப்பாடி கொண்டாடி மகிழ்கின்றனர் கட்சித் தொண்டர் கள். தெலுங்கானா மாநிலத்தில் தெலுங்கானா ராஷ்ட்ரிய சமிதி (டிஆர்எஸ்) கட்சி ஆட்சியில் இருக்கிறது. முதல்வராக சந்திரசேகர் ராவ் உள்ளார். நடந்து முடிந்த சட்டப்பேரவைத் தேர்தலில் ஆளும் டிஆர்எஸ் கட்சி 119 தொகுதிகளுக்கான வாக்கு எண்ணிக்கையில் 90 இடங்களில் முன்னிலை பெற்று தனிப்பெரும்பான்மையுடன் 2வது முறையாக ஆட்சி அமைக்கும் சூழல் நிலவியது. இந்நிலையில், பாஜக வெற்றிபெற்றால் மட்டுமே வாக்கு இயந்திரங்கள் வேலை செய்யவில்லை எனக் கொச்சைப்படுத்தினார்கள்.

அமெரிக்காவில் வீசும் கடும் பனிப்புயல்: 1,000க்கும் மேலான விமானச் சேவை ரத்து

அமெரிக்காவின் தென்கிழக்கு மாநிலங்களில் வீசிய கடுமையான பனிப்புயலால் ஆயிரக்கணக்கான மரங்களும் மின்கம்பங்களும் சாய்ந்தன. இதனால் 310,000க்கும் அதிகமான வீடுகளுக்கு மின்சாரம் துண்டிக்கப்பட்டுள்ளது. அமெரிக்காவின் தென்கிழக்குப் பகுதியில் அமைந்துள்ள தெற்கு கெரோலினா, வடக்கு கெரோ- லினா, ஜார்ஜியா, அலபாமா, டென்னசி, வெர்ஜி னியா ஆகிய மாநிலங்களில் பனிப்பொழிவு அதிகரித்து உள்ளது. இத்துடன் கடும் பனிப் புயலும் வீசியதில் அப்பகுதிகளில் வசிக்கும் மக்களின் இயல்பு வாழ்க்கை பெரிதும் பாதிப்புக்கு உள்ளானது.

கோரிக்கைகளை நிறைவேற்ற ஓர் அறிவிப்புத் தளம்

நீ சூன் சவுத் வட்டாரத்தின் குடியிருப்பாளர்களுக்கு வீட்டுப் பொருட்கள், துணைப்பாடச் சேவைகள், வேலை வாய்ப்புகள் போன்ற பற்பல தேவைகள் ஏற்படும் போது இனி அதே வட்டாரத்தில் இருக்கும் மற்ற குடியிருப்பாளர்கள் உதவியுடன் அவற்றைப் பெற்றுக் கொள்ளலாம். ‘புரோஜெக்ட் கிவ் அன் டேக்’ எனப்படும் இப்புதிய திட்டம் நேற்று நீ சூன் சவுத் சமூக மன்றத்தின் வருடாந்தர நிகழ்ச்சியின்போது தொடங்கிவைக்கப்பட்டது. குடியிருப்பாளர்கள் தாங்கள் அளிக்க விரும்பும் சேவைகள் அல்லது பொருட்கள் பற்றி சமூக மன்றத்தில் அமைந்துள்ள ஒரு பொது அறிவிப்புப் பலகையில் தெரிவிக்கலாம்.

கோலாலம்பூர் மெர்டேக்கா சதுக்கத்தில் பேரணி

ஐநா அமைப்பின் பாரபட்சத்திற்கு எதிரான உடன்பாட்டை ஏற்றுக் கொள்ளப்போவதில்லை என்று மலேசியா முடிவு செய்துள்ளது. அந்த முடிவுக்கு நன்றி தெரிவித்து அதை வரவேற்று கொண்டாடி மகிழ்வதற்காக மலாய் சார்பு அமைப்புகளும் இஸ்லாமிய அமைப்புகளும் நேற்று கோலாலம்பூரில் மெர்டேக்கா சதுக்கத்தில் பேரணி ஒன்றை நடத்தின. முன்னாள் பிரதமர் நஜிப் ரசாக், அம்னோ தலைவர் ஹமிடி, பாஸ் கட்சித் தலைவர் அப்துல் ஹாடி அவாங் உட்பட சுமார் 50,000 பேருக்கும் அதிகமானோர் பேரணி யில் திரண்டனர்.

துணைப் பிரதமர் டியோ: பூசல் யாருக்கும் நன்மை அளிக்காது

அமெரிக்காவுக்கும் சீனாவுக்கும் இடையிலான வர்த்தகப் போரின் தற்காலிக நிறுத்தத்தை சிங் கப்பூர் வரவேற்பதாகத் துணைப் பிரதமர் டியோ சீ ஹியன், பிரெஞ்சு தொலைக்காட்சி ஒளிவழியான ‘பிரான்ஸ் 24’க்கு நிகழ்ச்சி ஒன்றில் தெரிவித்திருக்கிறார். பிரான்சுக்கு அதிகாரபூர்வ பய ணம் மேற்கொண்டுள்ள திரு டியோ, வர்த்தகப் போரின் தற் காலிய நிறுத்தம், வர்த்தக நட வடிக்கைகள் முடங்கிக் கிடந்தி ருந்த நிலையைத் தடுத்து உள்ள தாக கூறினார்.

ஊடுருவல்: கடும் நடவடிக்கை எடுக்க சிங்கப்பூர் தயங்காது

சிங்கப்பூரின் கடற்பகுதிக்குள் மலேசிய கலன்கள் அத்துமீறி நுழைந்ததை அடுத்து அதற்குப் பதில் நடவடிக்கையாக தனது சொந்த துறைமுக எல்லைகளை சிங்கப்பூர் விரிவுபடுத்தி இருக்கிறது. அதோடு, அத்தகைய ஊடுருவல் களுக்கு எதிராக கடுமையான எச்சரிக் கையையும் சிங்கப்பூர் விடுத்துள்ளது. தன்னுடைய எல்லையையும் அரசுரி- மையையும் பாதுகாக்க, தேவைப்பட்டால் கடுமையான நடவடிக்கைகளை எடுக்க சிங்கப்பூர் தயங்காது என்று போக்கு வரத்து அமைச்சர் கோ பூன் வான் எச்சரித்தார்.

பொதுப் போக்குவரத்து பாதுகாப்புக்கான இயந்திர மனிதன்

நிலப் போக்குவரத்து ஆணையம் தனது பாதுகாப்புப் பணிகளுக்காக தானியக்க இயந்திர மனிதர்களை விரைவில் ஈடுபடுத்தலாம். அத்தகைய இயந்திர மனிதர்களில் ஒன்று, ஹவ்காங் எம்ஆர்டி நிலையத்தில் நேற்று நடைபெற்ற அவசரகால தயார்நிலைப் பயிற் சியின்போது பணியில் ஈடு படுத்தப்பட்டது. கண்காணிப்பு மற்றும் வலம் வரும் ஆற்றலைச் சோதிப்பது இந்த பயிற்சியின் நோக்கம். வருங்காலத்தில் பாதுகாப்பு அதிகாரிகளுக்கு துணையாக இந்த தானியக்க இயந்திர மனி தர்கள் செயல்படலாம் என்று நிலப் போக்குவரத்து ஆணையம் தெரி வித்தது.

கடல்துறை ஊழியர் மின்னிலக்க தேர்ச்சி மேம்பட பயிற்சித்திட்டம்

சிங்கப்பூரில் கடல் மற்றும் கடலோர தொழில்துறையில் வேலை பார்க் கும் 23,000 சிங்கப்பூரர்களின் மின்னிலக்க ஆற்றலை மேம்படுத் தும் முயற்சியாக என்டியுசி ஒரு புதிய பயிற்சி செயல்திட்டத்தை நடப்புக்கு கொண்டுவந்துள்ளது. ஊழியர்கள் மற்றும் நிறுவனங் களின் தேர்ச்சிகள் மேம்பட உதவு வது அந்தத் திட்டத்தின் நோக்கம். தொழில்நுட்பத்தைப் பயன்படுத்தி அதன்மூலம் உற்பத்தித்திறனை எப்படி பெருக்கமுடியும் என்பதை ஊழியர்களுக்கும் முதலாளிகளுக் கும் படிப்படியாக வழிகாட்டி அந்தத் திட்டம் உதவும் என்று வேலை வாய்ப்பு, வேலை திறன் பயிற்சிக் கழகம் (e2i) தெரிவித்தது.

Pages