மாணவர் முரசு
இ-பேப்பர்
நியூயார்க்: அமெரிக்க அதிபர் தேர்தலில் குடியரசுக் கட்சி சார்பில் போட்டியிடவுள்ள வேட் பாளர் டோனல்ட் டிரம்பின் மனைவி மெலானியா டிரம்ப், தன் கணவர் மீது சில பெண்கள் கூறும் குற்றச்சாட்டுகள் பொய் யானவை என்று தெரிவித்துள் ளார். தேர்தல் நெருங்கும் வேளையில் தன் கணவருக்கு பின்னடைவை ஏற்படுத்தும் வகையில் இத்தகைய புகார்கள் கூறப்படுவதாகக் கூறிய மெலானியா, பெண்கள் பற்றி இழிவான கருத்துகளை டிரம்ப் கூறியதாக வெளியான வீடியோ செய்தியை ஏற்றுக்கொள்ள முடியாது என்று சொன்னார். "டிரம்ப் மீது பெண்கள் கூறிய பாலியல் புகார்கள் பொய்யானவை. ஏனெனில் எனது கணவர் மீது எனக்கு நம்பிக்கை உள்ளது. அவர் நேர்மையானவர். அவர் எப்போதும் இது போன்ற தவறு கள் செய்யமாட்டார்," என்று மெலானியா கூறினார்.
பெண்கள் மீது அவருக்கு மதிப்பும் மரியாதையும் உள்ளது என்றும் அவர் சொன்னார். அவர் தன் கணவர் மீது கூறப்பட்டுள்ள புகார்களை மறுத்து பெண்களிடம் பிரசாரம் செய்து வருகிறார். பெண்களைப் பற்றி தரக் குறைவாக டிரம்ப் கூறிய கருத்துகள் அடங்கிய வீடியோ பதிவு வெளியான சில நாட்களில் பல பெண்கள் அவர் மீது புகார்கள் கூறினர். தங்களிடம் அவர் தகாத முறையில் நடந்துகொள்ள முயன்றதாக அப்பெண்கள் குற்றம் சாட்டினர். இதனைத் தொடர்ந்து திரு டிரம்பிற்கு ஆதரவு குறைந்து வருகிறது. கருத்துக் கணிப்புகளில் ஆளும் ஜனநாயகக் கட்சி வேட்பாளர் ஹில்லரி கிளின்டனை விட கணிசமான அளவு டிரம்ப் பின்தங்கியுள்ளார்.
