மேஷம்

இன்றைய பலன்:

கூடுமானவரை எந்தப் பணியையும் ஒத்திப்போட வேண்டாம். இன்று தொடங்கிய வேகத்தில் பணிகள் மளமளவென நடந்தேறும்.

அதிர்ஷ்ட எண்கள்: 5, 9

நிறம்: அரக்கு, பச்சை

வாரப் பலன்:

அன்­புள்ள மேஷ ராசிக்­கா­ரர்­களே,

மாதக் கோள்களான புதன், சுக்கிரன் சிறப்பாக சஞ்சரிக்கின்றன. ராகு, சந்திரனின் அருள்பெறலாம். சனி, கேது, செவ்வாய், சூரியன் வலுவிழப்பர். குருவால் நன்மை, தொல்லை இல்லை.

வெற்றி தோல்விகளைப் பொருட்படுத்தாமல் கடமையாற்றக் கூடியவர்கள் நீங்கள். அடுத்துவரும் நாள்களில் உங்கள் மனத்தில் நல்ல சிந்தனைகள் தோன்றும். அதேநேரம் உங்கள் வாழ்க்கைப் பயணத்தில் சிறு பின்னடைவுகளையும் சந்திக்க நேரிடும். தற்போது அதிக பணிகளும் பொறுப்புகளும் காத்திருக்கும். மறுபக்கம் தடைகளும் அணிவகுக்கும் வாய்ப்புண்டு. எனினும் அனைத்தையும் கடந்து பொறுப்புகளை நிறைவேற்றி நற்பெயரைத் தக்கவைப்பீர்கள். வருமானம் சீராக இருக்கும். விரயங்கள் காரணமாக உங்களில் சிலர் சற்றே தடுமாறுவீர்கள். சிறு உடல் உபாதைகள் தலைதூக்கும் என்றாலும் கவலைப்பட ஒன்றுமில்லை. உங்களுக்கே உரிய வேகத்துடனும் சுறுசுறுப்புடனும் வலம் வருவீர்கள். நீங்கள் ஆலோசனை கேட்ட நிலைமாறி, பலருக்கு நீங்கள் ஆலோசனை கூறுவீர்கள். வழக்குகள், மங்கலப் பேச்சுகளில் சாதகப்போக்கு நிலவும். பெண்களுக்கு ஏற்றமான காலமாகும். அலுலவகச்சூழல் சாதகமாக இருக்கும். வியாபாரத்தில் நெளிவு சுளிவுகள் புரிபடும். வார இறுதியில் புது முயற்சிகளைத் தவிர்ப்பது நல்லது.

குடும்பத்தார் இடையே ஒற்றுமை இருக்கும்.

அனுகூலமான நாள்கள்: ஜூலை 22, 24

அதிர்ஷ்ட எண்கள்: 4, 9