ரிஷபம்

இன்றைய பலன்:

முக்கியமற்ற விவகாரங்கள் குறித்து கவலை வேண்டாம். இன்று நல்லவர்கள் துணை நிற்பர். ஆதாயங்கள் அதிகரிக்கும்.

அதிர்ஷ்ட எண்கள்: 1, 4

நிறம்: நீலம், வெண்மை

வாரப் பலன்:

அன்­புள்ள ரிஷப ராசிக்­கா­ரர்­களே,

இவ்வாரம் சனிபகவானின் அருள்கிட்டும். புதனின் இடப்பெயர்ச்சி சாதகமாக அமையும். சந்திரன், சுக்கிரன் நற்பலன்களைத் தருவர். குரு, ராகு, கேது, செவ்வாய், சூரியன் வகையில் சங்கடங்கள் இருக்கும்.

பிறரும் வாழ்க்கையில் முன்னேற வேண்டும் எனும் நல்லெண்ணம் கொண்டவர்கள் நீங்கள். இவ்வாரம் உங்களது உடல்நலம் நன்றாக இருக்கும். சுறுசுறுப்பாகவும் வேகமாகவும் செயல்படுவீர்கள். திட்டமிட்ட காரியங்களை தெம்புடன் செய்து முடிப்பீர்கள். வேலைகள் குவிந்திருக்கும். சிறு தடைகளைச் சமாளிக்க நண்பர்களின் உதவிகள், ஆலோசனைகள் கைகொடுக்கும். வழக்கமான வரவுகள் தடையின்றிக் கிடைப்பதால் செலவுகளை எளிதில் ஈடுகட்டலாம். புதிய முயற்சிகளை ஏற்பது குறித்து நிதானம் தேவை. சிறு பயணங்கள் மூலம் ஆதாயம் கிடைக்கும். வழக்குகளில் சாதகமான திருப்பங்கள் ஏற்படக்கூடும். மங்கலப் பேச்சுகள் ஆமை வேகத்தில் நகரும். சுயதொழில் புரிவோர்க்கு உதவிகள் கிட்டும். பணியாளர்களுக்கு சிறப்புச் சலுகைகள் கிடைக்கக்கூடும். வார இறுதியில் மறைமுக எதிரிகளின் ஆதிக்கம் இருக்கும். இச்சமயம் கவனம் தேவை.

இல்லறச் சக்கரம் இனிதே சுழலும். பிள்ளைகள் ஏற்றம் காண்பர்.

அனுகூலமான நாள்கள்: செப்டம்பர் 6, 8

அதிர்ஷ்ட எண்கள்: 4, 8