மீனம்

இன்றைய பலன்:

நண்பர்கள் துணையோடு சிலவற்றை உருப்படியாகச் செய்து முடிக்க இயலும். இன்று வழக்கத்தைவிட அதிக பணிகளைச் செய்து முடிப்பீர்கள்.

அதிர்ஷ்ட எண்கள்: 2, 7

நிறம்: சிவப்பு, பச்சை

வாரப் பலன்:

அன்­புள்ள மீன ராசிக்­கா­ரர்­களே,

மாதக் கோள்களான புதன், சூரியன், சுக்கிரனின் அருளால் நற்பலன்கள் கிட்டும். குரு, கேது, செவ்வாய், சந்திரன் ஏற்றங்களைத் தருவர். சனி, ராகு வலுவிழப்பர்.

உயர்ந்த சிந்தனைகளும் பண்புகளும் கொண்டவர்கள் என உங்களைக் குறிப்பிடலாம். தற்போது பெரும்பாலான கிரகங்களின் அருள் கிடைத்துள்ளது. அதேசமயம் சனியின் சீற்றம் இருக்கும் என்பதையும் மனத்தில் கொள்ளுங்கள். அடுத்து வரும் நாள்களில் உங்களது பொருளியல் நிலை சிறப்பாக இருக்கும். வாழ்க்கை வசதிகள் உயர்வதால் குடும்பத்தார் மகிழ்வர். உடலும் உள்ளமும் சிறப்பாக இருக்கும். தனிப்பட்ட திறமையால் சிரமமான பணிகளையும் எளிதில் முடித்திடுவீர்கள். புது முயற்சிகளில் ஈடுபடலாம் என்றாலும் அதிக முதலீடுகள் கூடாது. மங்கல காரியம் தொடர்பிலான தடைகள் விலகும். வழக்குகளில் சாதகப் போக்குத் தென்படும். சொத்துகள் தொடர்பில் அவசர முடிவுகளை எடுக்க வேண்டாம். பணியாளர்களுக்கு பாராட்டுகள் வந்துசேரும். வியாபாரத்தில் இருந்த சிக்கல் விலகும். வார இறுதியில் வீண் அலைச்சல் இருக்கும். பண விரயங்களும் ஏற்படக்கூடும் என்பதால் கவனம் தேவை.

இல்லறம் இனிக்கும். மனைவி, மக்கள் ஆதரவாக இருப்பர்.

அனுகூலமான நாள்கள்: டிசம்பர் 14, 16

அதிர்ஷ்ட எண்கள்: 2, 7