சிம்மம்

இன்றைய பலன்:

கடினம் எனக் கருதிய பணிகளும்கூட எளிதில் நடந்தேறும். இன்று எந்த பணியையும் புறக்கணிக்கக் கூடாது. மாலையில் ஓய்வு உண்டு.

அதிர்ஷ்ட எண்கள்: 1, 7

நிறம்: பச்சை, அரக்கு

வாரப் பலன்:

அன்­புள்ள சிம்ம ராசிக்­கா­ரர்­களே,

மாதக் கோளான சூரியனின் இடப்பெயர்ச்சி சிறப்பாக அமையும். புதன், சுக்கிரன் அருள்புரிவர். சனி, ராகு, கேது, செவ்வாய், சந்திரனின் ஆதரவு இல்லை. குருவால் நன்மை, தொல்லை இல்லை.

பிறரது வெற்றிக்கும் துணை நிற்கக்கூடியவர் என உங்களைக் குறிப்பிடலாம். இவ்வாரம் உங்களது இயல்பை சற்றே மாற்றிக்கொண்டு கோபம், பிடிவாதம் ஆகியவற்றைத் தவிர்த்து அமைதியாகவும் சூழ்நிலைக்கு ஏற்ப விட்டுக்கொடுத்தும் செயல்பட வேண்டியது முக்கியம். தற்போது ஈடுபடும் வேலைகளில் சிறு தடைகள் குறுக்கிடும். எனினும் உழைப்பாளிகளான நீங்கள் சமாளித்திடுவீர்கள். புது முயற்சிகள் என்ற பெயரில் அகலக்கால் வைக்க வேண்டாம். பயணங்களால் ஆதாயமில்லை. வரவுகள் சுமார்தான். எனினும் முக்கியத் தேவைகள் நிறைவேறும். மங்கலப் பேச்சு, சொத்துகள் தொடர்பான முயற்சிகளில் அவசம் கூடாது. காய்ச்சல், உடல் சோர்வு போன்ற உபாதைகள் தோன்றி மறையக்கூடும். அலுவலகச் சூழ்நிலை சாதகமாக இருக்கும். செய்தொழிலில் நல்ல திருப்பங்கள் உண்டாகும். வார இறுதியில் எதிரிகளின் ஆதிக்கம் குறையும். இச்சமயம் மனத்தில் தெளிவும் தன்னம்பிக்கையும் அதிகரிக்கும்.

குடும்பத்தார் இடையேயான கருத்து வேறுபாடுகளை பேசித் தீர்த்துக்கொள்வது நல்லது.

அனுகூலமான நாள்கள்: அக்டோபர் 23, 24

அதிர்ஷ்ட எண்கள்: 2, 6