தனுசு

இன்றைய பலன்:

யாரையும் குறைத்து எடை போட வேண்டாம். இன்று வெளி வேலைகள் எளிதில் நடந்தேறும். மனக் குழப்பம் ஒன்று முடிவுக்கு வரும்.

அதிர்ஷ்ட எண்கள்: 4, 5

நிறம்: ஊதா, வெண்மை

வாரப் பலன்:

அன்­புள்ள தனுசு ராசிக்­கா­ரர்­களே,

இவ்வாரம் நிகழும் சுக்கிரனின் இடப்பெயர்ச்சி சிறப்பாக அமையும். புதன், ராகு, சூரியன் நற்பலன்களைத் தருவர். குரு, சனி, கேது, செவ்வாய், சந்திரன் ஆகியோரின் பலம் கெடும்.

பிறருக்குத் தேவையான உதவிகளைப் பரிவுடன் செய்யக் கூடியவர்கள் என உங்களைக் குறிப்பிடலாம். கிரக அமைப்பைப் பார்த்தபின், ‘என்னடா வாழ்க்கை இது’ என அலுத்துக்கொள்ள வேண்டாம். மாறாக உங்கள் இயல்புக்கேற்ப பிரச்சினைகளை சவாலாக ஏற்று அவற்றைச் சமாளிக்கப் பாருங்கள். அடுத்து வரும் நாட்களில் உங்களுக்குரிய வரவுகள் சுமார் எனும்படி இருக்கும். வழக்கமான தொகைகள் குறித்த நேரத்தில் கிடைக்காமல் போகலாம். இச்சமயம் செலவுகளைக் குறைக்கவில்லை எனில் பணப்பற்றாக்குறை ஏற்பட வாய்ப்புள்ளது. இவ்வாரம் சுலபமான, நன்கு பழக்கமுள்ள பணிகளில் மட்டும் ஈடுபடுங்கள். வீண் வீம்புக்காக தெரியாத காரியங்களைத் தொடங்க வேண்டாம். உங்களுக்குத் தேவையான ஆலோசனைகளை அனுபவசாலிகளிடம் கேட்டுப் பெறத் தயங்க வேண்டாம். புதிய முயற்சிகள் குறித்து நினைத்துக்கூடப் பார்க்க வேண்டாம். உடல்நலம் பொதுவாக நன்றாக இருக்கும். எனினும் ஒருசிலர் வீண் அலைச்சல் காரணமாக அலுப்பும் சலிப்பும் உணர நேரிடலாம். பணியாளர்களும் வியாபாரிகளும் அதிகம் உழைக்க வேண்டிய நேரமிது. வார இறுதியில் முக்கிய தகவல்கள் தேடி வரும்.

குடும்ப விவகாரங்களை ரகசியமாக வைத்திருப்பது நல்லது.

அனுகூலமான நாள்கள்: நவம்பர் 5, 7

அதிர்ஷ்ட எண்கள்: 3, 7