விருச்சிகம்

இன்றைய பலன்:

வெட்டிப் பேர்வழிகளை அடையாளம் கண்டு ஒதுக்கி வைக்கப் பாருங்கள். பெரியவர்கள் துணை நிற்பர். செலவுகள் இருக்கும்.

அதிர்ஷ்ட எண்கள்: 2, 9

நிறம்: அரக்கு, நீலம்

வாரப் பலன்:

அன்­புள்ள விருச்­சிக ராசிக்­கா­ரர்­களே,

இவ்வாரம் சந்திரன் அருள்பார்வை வீசுவார். புதன், சுக்கிரன், சூரியன், செவ்வாய், கேது நலம்புரிவர். சனி, ராகு தொல்லை தருவர். குரு இடைநிலைப் பலன்களைத் தருவார்.

பிறர் மனதைப் புண்படுத்தாமல் நடக்க வேண்டும் என்பதில் கவனமாக இருப்பவர்கள் நீங்கள். இவ்வாரம் நீங்கள் கால்பதிக்கும் காரியங்களில் பெரும்பாலானவை குறித்த நேரத்தில் முடியும். எனினும், சிறு தடைகளைக் கடக்க அதிகம் உழைக்க வேண்டியிருக்கும். ஒருசிலருக்கு புதிய வாய்ப்புகள் வாயிற்கதவைத் தட்டும் வாய்ப்புள்ளது. அவற்றை ஏற்பது குறித்து நிதானம் தேவை. அடுத்து வரும் நாட்களில் உங்களுக்குரிய செலவுகள் சற்று அதிகமாகவே இருக்கும். எனினும் அவற்றைச் சமாளிக்கும் வகையில் வருமானத்தைப் பெறுவீர்கள். முன்பு நிலுவையில் நின்ற சில தொகைகள் இச்சமயம் கிடைக்க வாய்ப்புண்டு. பண விவகாரங்களில் அலட்சியம் கூடாது. சொத்துகள் தொடர்பில் முக்கியமான முடிவுகளை எடுக்க வேண்டியிருக்கும். பணியாளர்களுக்கு புதுப் பொறுப்புகள் தேடி வரக்கூடும். வியாபாரிகள் புதியவர்களுடன் இணைந்து எதையும் செய்ய வேண்டாம். வார இறுதியில் ஒருசிலரது உடல்நலம் லேசாகப் பாதிக்கப்படக்கூடும். இச்சமயம் வீண் அலைச்சலைத் தவிர்த்திடுங்கள்.

இல்லறத்தில் இனிமை இருக்கும். உடன்பிறந்தோர் உற்ற துணையாய் இருப்பர்.

அனுகூலமான நாள்கள்: ஜனவரி 20, 22

அதிர்ஷ்ட எண்கள்: 2, 6