மாணவர் முரசு
இ-பேப்பர்
சீன நிறுவனமான 'எஸ்பிசி' கடந்த ஜூலை மாதத்திலிருந்து தனது பெட்ரோல் நிலைய எண்ணெய் விலையில் எந்த மாற்ற மும் செய்யவில்லை. நேற்று முன்தினம் அது எண்ணெய் விலையை லிட்டருக்கு நான்கிலிருந்து ஐந்து காசு வரை கூட்டியுள்ளது.
'எஸ்பிசி'யின் '92-ஒக்டேன்' வகை பெட்ரோல் இப்போது லிட்டருக்கு $2.51க்கு விற்கப்படுகிறது. இது, 'எசோ' நிறுவனத்துக்கு ஈடான விலை என சிங்கப்பூர் பயனீட்டாளர் சங்கம் நிறுவியுள்ள 'ஃபியூல் காக்கி' என்ற எண்ணெய் சில்லறை விற்பனை விலை ஒப்பீட்டு இணையத்தளம் தெரிவித்தது.
'எஸ்பிசி'யின் '95-ஒக்டேன்' வகை பெட்ரோல் இப்போது ஆகக் குறைந்த விலையாக லிட்டருக்கு $2.53க்கு விற்கப்படுகிறது.
'98-ஒக்டேன்' வகை பெட்ரோல் 'எசோ' நிறுவனத்துக்கும் 'சினோபெக்' நிறுவனத்துக்கும் ஈடாக $3.02க்கு விற்கப்படுகிறது.
'எஸ்பிசி'யின் டீசல் எண்ணெய் விலை ஐந்து காசு உயர்ந்து, 'எசோ' நிறுவனத்துக்கும் 'சினோபெக்' நிறுவனத்துக்கும் ஈடாக $2.08க்கு விற்கப்படுகிறது.
இவை தள்ளுபடிக்கு முந்தைய விலைகள் என்பது குறிப்பிடத் தக்கது.