தனது ஆசிய தலைமையகத்தை ஹாங்காங்கில் இருந்து சிங்கப்பூருக்கு மாற்ற ‘வால் ஸ்ட்ரீட்’ சஞ்சிகைத் திட்டமிட்டிருப்பதாகத் தெரிவிக்கப்பட்டது.
தனது பணியாளர்களுக்கு ‘வோல் ஸ்திரீட்’ சஞ்சிகை மே 2ஆம் தேதி அனுப்பிய கடிதத்தில் இத்தகவலைத் தெரிவித்ததாகவும் அதை ‘ஏஎஃப்பி’ செய்தி நிறுவனம் கண்டதாகவும் கூறப்பட்டது.
சீன நிதி மையமான ஹாங்காங்கில் மற்ற வெளிநாட்டு நிறுவனங்கள் தங்கள் செயல்பாடுகளை மறுபரிசீலனை செய்த பின்னர் அதன் முடிவு எடுக்கப்பட்டுள்ளதாக அமெரிக்க செய்தித்தாள் தெரிவித்துள்ளது.
அக்கடிதத்தில், இந்தத் தலைமையக மாற்றம், குறிப்பிடப்படாத எண்ணிக்கையிலான பணிநீக்கங்களையும் உள்ளடக்கியது என அந்தச் சஞ்சிகையின் தலைமை ஆசிரியர் எம்மா டக்கர் தெரிவித்தார்.
“கட்டமைப்பு ரீதியாக சில மாற்றங்கள் நடைபெறும். நாங்கள் எங்கள் வர்த்தகம், நிதி, பொருளியல் ஆகியவற்றை ஒருங்கிணைக்கிறோம். சில மாற்றங்கள் புவியியல் சார்ந்து இருக்கும். ஹாங்காங்கைத் தலைமையகமாகக் கொண்டு இயங்கிய சில வெளிநாட்டு நிறுவனங்களைப் போல நாங்களும் எங்கள் ஆசிய தலைமையகத்தை சிங்கப்பூருக்கு மாற்றுகிறோம்,” என அவர் மேலும் கூறினார்.