மாணவர் முரசு
இ-பேப்பர்
யூரோ 2016 போட்டியில் இன்று இங்கிலாந்தை எதிர்கொள்கிறது வேல்ஸ் அணி. ஆனால் அதற்குள் இங்கிலாந்து அணியைவிட எங்கள் அணி சிறந்தது என்று இங்கிலாந்து வீரர்கள், ரசிகர் களின் வாயைக் கிளறியிருக்கிறார் வேல்ஸ் அணியின் நட்சத்திர விளையாட்டாளரான ஏரோன் ரேம்சி. "எங்கள் அணி சிறந்த அணி என்று நான் நம்புகிறேன். நாங்கள் பல சோதனைகளைச் சந்தித்துள்ளோம். அவற்றுக்கான வெகுமதியை இப்போது பெற்று வருகிறோம். "நாங்கள் ஒவ்வொருவரும் மற்றவர்களுக்காக போராடுகிறோம். ஒவ்வொருவரும் மற்றவர் களுக்காக உயிரைக் கொடுத்து விளையாடுகிறோம்," என்று அவர் பெருமையாகக் கூறினார். இவருக்கு சற்றும் குறைவில்லாத வண்ணம் வேல்ஸின் மற்றோர் நட்சத்திர வீரரான கேரத் பேல், போட்டியில் வெல்ல வேண் டும் என்ற வேட்கை இங்கிலாந்து அணியைவிட வேல்ஸ் அணிக்கு நிரம்பவே உள்ளதாக மீண்டும் கூறியுள்ளார்.
"எங்கள் அணி சிறந்த அணி என்பது எனக்குத் தெரியும். அத னால், நாங்கள் சிறப்பாக விளையாடும் பட்சத்தில் எங்களால் இங் கிலாந்து அணியை வெற்றி கொள்ள முடியும் என்பதும் எங்களுக்குத் தெரிந்ததுதான். "இங்கிலாந்து அணியினருக்கு போட்டியில் வெல்ல வேண்டும் என்ற வேட்கை இல்லை என்று நான் சொல்லவில்லை. அவர்களுக்கும் அந்த வேட்கை நிச்சயம் இருக்கும். "அவர்களைவிட அந்த வேட்கை அதிகம் என்றுதான் சொல்ல வருகிறேன். "காற்பந்தாகட்டும் ரக்பியாகட் டும் வேறெந்த விளையாட்டாக இருக்கட்டும் மேல்நிலைக்கு செல்ல வேண்டும் என்ற வேட்கை வேல்ஸிடம் உள்ளது என்று எனக்குத் தோன்றுகிறது. "இங்கிலாந்து பெரிய நாடு என்பதுடன் அவர்களிடமிருக்கும் விளையாட்டாளர் பட்டியலும் பெரியது என்பதை நான் அறிவேன்.
"ஆனால் நம் இரண்டு அணிகளுக்கும் உள்ள இடைவெளியை நாங்கள் வெகுவாகக் குறைத்து விட்டோம்," என்று கூறுகிறார் கேரத் பேல். பின்னர், இங்கிலாந்து அணியைச் சேர்ந்த எந்தெந்த வீரர்கள் வேல்ஸ் அணியில் இடம் பெறத் தகுதியுடைவர்கள் என்று கேட்கப்பட்ட கேள்விக்கு "எவரும் இல்லை," என்று சிரிப்புடன் கூறினார் பேல். எனினும் இவர்களுக்கெல்லாம் பதிலடி கொடுக்கும் விதமாகப் பேசிய இங்கிலாந்து வீரர் ஜேக் வில்ஷியர், "இரண்டு அணி வீரர் களையும் நீங்கள் ஒப்பிட்டுப் பார்த்தால் நாங்கள்தான் வெல்வோம் என்பது உங்களுக்குத் தெரியும்," என்று தெரிவித்தார். யூரோ 2016 போட்டிகளின் தகுதிச் சுற்று ஆட்டங்களில் கேரத் பேல், ஏரோன் ரேம்சி இருவரும் மொத்தம் 11 கோல்கள் போட்ட நிலையில் வேல்ஸ் அணி மிகுந்த நம்பிக்கையுடன் இருப்பது நன்கு புலப்படும் அதே வேளையில் தற்போதைய இங்கிலாந்து அணி பல இளம், திறமைமிக்க வீரர்களைக் கொண்டுள்ளது என்பது கண்கூடு.
வேல்ஸ் அணியின் நட்சத்திர ஆட்டக்காரர் கள் ஏரோன் ரேம்சி (இடது), கேரத் பேல். படம்: ஏஎஃப்பி
