மாணவர் முரசு
இ-பேப்பர்
வெளியுறவு அமைச்சர் டாக்டர் விவியன் பாலகிருஷ்ணனுக்கு கொவிட்-19 நோய் உறுதியாகி உள்ளது.
இதனை தமது ஃபேஸ்புக் பக்கத்தில் படிவிட்டிருந்தார் அமைச்சர் விவியன்.
“ சிங்கப்பூர் திரும்பியவுடன் சோதனை செய்து பார்த்தேன், அதில் கொவிட்-19 பாசிட்டிவ் என இருந்தது. இதுவரை பல பயணங்களை மேற்கொண்டும் கொவிட்-19 நோய் தொற்றாமல் இருந்தன ஆனால் ஒரு வழியாக எது என்னை எட்டிப் பிடித்துவிட்டது,” என்றார் அவர்.
நல்ல வேளையாக தாம் போட்டுக்கொண்ட தடுப்பூசிகளாலும் பூஸ்டர் தடுப்பூசிகளாலும் மிகவும் மிதமான பாதிப்பே ஏற்பட்டுள்ளது என்ற டாக்டர் விவியன், வீட்டில் இருந்து ஓய்வு எடுத்துக்கொண்டு வாசிக்கும் நேரம் வந்துவிட்டது என்றும் குறிப்பிட்டார்.
அடுத்த சில தினங்களுக்கு தாம் மேற்கொள்ளவிருந்த அலுவல்களைப் பார்க்க முடியாதமைக்கு மன்னிப்பு கேட்டுக்கொண்ட அமைச்சர், தம்முடன் கடந்த இரு தினங்களாக நெருங்கிய தொடர்பில் இருந்தவர்களைப் பரிசோதனை செய்துகொள்ளுமாறும் அவர் அறிவுறுத்தினார்.
