புதிய கொவிட்-19 பாதிப்புகளின் எண்ணிக்கை 17,564ஆகக் குறைந்தது
புதிய கொவிட்-19 பாதிப்புகள், மருத்துவமனைகளில் அனுமதிக்கப்பட்டுள்ளோர் எண்ணிக்கை வெள்ளிக்கிழமை (மார்ச் 4) தொடர்ந்து குறைந்தது.
புதிதாக 17,564 பேருக்குத் தொற்று உறுதியானது. 1,678 பேர் மருத்துவமனைகளில் உள்ளனர்.
வாராந்திர கொவிட்-19 தொற்று அதிகரிப்பு விகிதம் தொடர்ந்து 1க்குக்கீழ் உள்ளது. அது 0.97ஆக இருந்தது.
தீவிர சிகிச்சைப் பிரிவில் உள்ளோர் எண்ணிக்கை 45ஆக உள்ளது. 211 பேருக்கு உயிர்வாயு தேவைப்படுகிறது.
கொவிட்-19க்கு மேலும் 18 பேர் உயிரிழந்துவிட்டனர்.