ரிங்கிட்

ஜோகூர் பாரு: சிங்கப்பூரில் பணிபுரியும் மலேசியர்கள் பலர் விடுமுறைக்கும் மலேசியாவில் வீட்டுப் புதுப்பிப்புப் பணிகளுக்கும் திட்டமிடுகின்றனர். மலேசிய ரிங்கிட்டுக்கு நிகரான சிங்கப்பூர் வெள்ளியின் மதிப்பு இதுவரை இல்லாத அளவுக்கு உயர்ந்திருப்பதே அதற்குக் காரணம்.

மலேசிய ரிங்கிட்டுக்கு இணையான சிங்கப்பூர் வெள்ளியின் மதிப்பு புதிய உச்சத்தைத் தொட்டு உள்ளது. ஒரு வெள்ளிக்கு 3.5 ரிங்கிட் என்ற அளவில் திங்கட்கிழமை இரவு 10.21 மணிக்கு மதிப்பு இருந்ததாக புளூம்பெர்க் தரவு தெரிவித்தது.

சிங்கப்பூர் வெள்ளியின் மதிப்பு மலேசிய ரிங்கிட்டுக்கு எதிராக முன்னெப்போதும் இல்லாத அளவில் உயர்ந்துள்ளது.

மலேசிய ரிங்கிட் மதிப்பு 25 ஆண்டுகளில் காணாத அளவுக்குச் சரிந்துள்ளது. 1997-1998 ஆசிய நிதி நெருக்கடியை அடுத்து பதிவான மிகப் பெரிய சரிவு இது.