ஐந்து முதல் 11 வயது சிறார்களுக்கான கொவிட்-19 பூஸ்டர் தடுப்பூசிகளை சுகாதார அமைச்சு இன்னும் 2 மாதங்களில் வழங்கவுள்ளது.
நாடாளுமன்றத்தில் இன்று(ஆகஸ்ட் 1) பேசிய சுகாதார மூத்த துணை அமைச்சர் டாக்டர் ஜனில் புதுச்சேரி இதனைத் தெரிவித்தார்.
இந்த வயது சிறார்களின் நோய் எதிர்ப்பு சக்தி தொடர்ந்து உச்ச நிலையில் நீடிக்க கொவிட்-19 பூஸ்டர் தடுப்பூசிகள் ஒரு கட்டத்தில் தேவைப்படும் என்று அவர் சொன்னார்.
தற்போது ஃபைசர்-பயோன்டெக்/கொமிர்னாட்டி கொவிட்-19 தடுப்பூசிகள் மட்டுமே ஐந்து முதல் 17 வயதுடைய சிறார்களுக்குச் செலுத்தக்கூடிய அனுமதிக்கப்பட்ட தடுப்பூசிகள் என்றும் அவர் குறிப்பிட்டார்.
மருத்துவ காரணங்களுக்காக ஃபைசர்-பயோன்டெக்/கொமிர்னாட்டி கொவிட்-19 தடுப்பூசிகள் போட்டுக்கொள்ள முடியாத சிறார்கள் சினோவேக்-கொரோனாவேக் தடுப்பூசிகளைப் போட்டுக்கொள்ளலாம்.