மாணவர் முரசு
இ-பேப்பர்
பிரதமர் லீ சியன் லூங்கும் அமெரிக்க துணை அதிபர் கமலா ஹாரிசும் சிங்கப்பூருக்கும் அமெரிக்காவுக்கும் இடையிலான வலுவான, நீடித்த பங்காளித்துவத்தை இன்று (ஆகஸ்ட் 23) மறுஉறுதி செய்தனர்.
இணையப் பாதுகாப்பு, பருவநிலை மாற்றம், பொருளியல், பெருந்தொற்று நோய்களை எதிர்கொள்வது உள்ளிட்ட புதிய அம்சங்களில் ஒத்துழைப்பை அறிவித்துள்ளனர்.
சிங்கப்பூரும் அமெரிக்காவும் 55 ஆண்டுகால அரசதந்திர உறவுகளைக் குறிக்கும் வேளையில், திருமதி ஹாரிஸ் சிங்கப்பூருக்கு அதிகாரத்துவப் பயணம் மேற்கொண்டுள்ளார்.
இதுகுறித்து இஸ்தானாவில் கூட்டாக செய்தியாளர்களைச் சந்தித்த பிரதமர் லீ, இந்த வட்டாரத்தில் அமெரிக்க நிர்வாகம் கொண்டுள்ள கடப்பாட்டை திருமதி ஹாரிசின் வருகை குறிப்பதாகச் சொன்னார்.
