மிதுனம்

இன்றைய பலன்:

கடினமான காரியம் என நீங்கள் கருதியவைகூட இன்று சுலபமாக நடந்தேறும் வாய்ப்புண்டு. தடைகள் அதிகம் குறுக்கிடாது. நீண்ட காலமாக இழுபறியில் இருந்த தொகை ஒன்று கிடைக்க வாய்ப்பு உள்ளது.

அதிர்ஷ்ட எண்கள்: 1, 4.
நிறம்: ஊதா, வெண்மை.

வார பலன் : 19-1-2019 முதல் 25-1-2020 வரை

அன்புள்ள மிதுன ராசிக்காரர்களே,

செவ்வாய் உங்கள் ராசிக்கு 6ஆம் இடத்தில் சஞ்சரிக்கும் அமைப்பு சிறப்பானது. 5ஆம் இட சந்திரன், 7ஆம் இட குரு, 9ஆம் இட சுக்கிரன் மேன்மையான பலன்களைத் தருவார்கள். 8ஆம் இட புதனால் நலமுண்டு. இங்குள்ள சூரியனின் சுபத்தன்மை கெடும். ராசியிலுள்ள ராகு, 7ஆம் இட சனி, கேது வகையில் சங்கடங்கள் இருக்கும். 

பிறரிடம் நல்ல விஷயங்களைக் கற்றுக்கொள்வதில் ஆர்வம் கொண்டவர்கள் என உங்களைக் குறிப்பிடலாம். அடுத்துவரும் நாட்களில் உங்கள் எண்ணப்படியே சில விஷயங்கள் நடக்கலாம். வழக்கமான போட்டி பொறாமைகள் இருக்கும் என்றாலும் அனைத்தையும் எதிர்த்து நின்று போராடி வென்று காட்டுவீர்கள்.

இவ்வாரம் உங்களது பொருளாதார நிலை சிறப்பாக இருக்கும். வழக்கமான வருமானம் தவிர, எதிர்பாராத ஆதாயங்கள் ஒருசிலருக்குக் கிடைக்கலாம். சரியாகத் திட்டமிட்டுச் செயல்பட்டால் சேமிப்புகளை உயர்த்தலாம். நீண்ட நாட்களாகத் தள்ளிப்போன சுபப்பேச்சுகள் இப்போது கைகூடும் என எதிர்பார்க்கலாம். சொத்துகள் குறித்த பிரச்சினைகளில் நல்ல தீர்வு கிட்டும். நட்புப் போர்வையில் பழகும் ஒருசிலர் காரியவாதிகளாக இருப்பதைக் கண்டுகொள்ள வேண்டாம். பயணங்கள் வெற்றிபெறும். பணியாளர்களின் மதிப்பு மரியாதை உயரும். வியாபாரிகள் உற்சாகமாகச் செயல்படுவர். வார இறுதியில் வீண் அலைச்சல் காரணமாக ஒருசிலரது உடல்நல லேசாகப் பாதிக்கப்படலாம். கவனம் தேவை.

குடும்பத்தில் மகிழ்ச்சி இருக்கும். கணவன் மனைவி இடையே நெருக்கம் அதிகரிக்கும்.

அனுகூலமான நாட்கள்: ஜனவரி 20, 23.

அதிர்ஷ்ட எண்கள்: 5, 7.